قصيدة...(غرفة عمليات) // الشاعره إكرام هلال

يا مصوراتى ألقط هنا صورة

يا مغنواتى إنشد لنا وغنى

دة جندى دة ولا القمر بان لى

شايل فى إيده سلاح على حدود سينا

والثانية فيها كفاح زارع حاصد لينا

ماهو واد جدع أسمر كله عزيمة وشهامة

صعيدى أو فلاح

حطم حصون الخوف شق فى طريق بارليف

نصرة وأمل وفلاح

رفع العلم وأهه راح طاير لرب الكون

وفى ظهره ألف جناح

يا بلادى يا أبية والنصر لك غية ومين هيسقينى

ويفرق الشربات

إلا حبيب الروح سلاحه يحمينى ويبتسم لية

يا ما يا ضمينى

آخده كدة فى فى حضنى واسمعه الحكايات

عن نصر أكتوبر وروعة البطولات

شقوا ضلام الليل وحطموا إيلات

(ومائير) بتصرخ هناك وعرفت الآهات

والساتر الممنوع أصبح لنا مسموح

وكتبنا عنده آيات

واتجمعوا الابطال يبنوا فى طريق النصر

(شاذلى ) (وجمصى ) .. (وسادات)

تشهد عليهم هنا........غرفة عمليات...

شعر/اكرام هلال