ياشهيدنا نام وارتاح // شعر سيد سرحان

ياشهيدنا نام وارتاح
دمك مارحش هدر
علمت العالم كلة
ميخفشى من الخطر
وامتى تهون الحياة
وازاى يكون البشر
أهين ياقلبى وأة
نموت ولا ننكسر
كلنا ايد واحدة
مفيش فرق مابينا
شرطة وجيش وشعب
حب الوطن شاغلنا
هنحارب الارهاب
هنطهر أرضنا
من كل ايد غبية
تروع أمننا
وحياة كل دمعة
من عين ام الشهيد
جيلك يوم للحساب
مهما كنت بعيد
وهتتحاسب يامجرم
أيوة حساب شديد
على خيانتك لوطنك
بايد من حديد
ياام الشهيد افرحى
ابنك بقى موجود
ابنك ضحى بحياتة
علشان وطنا يعود
والله ابنك بطل
لا همة رصاص وبرود
ابنك بقى فى الجنة
عايش عيشة الخلود
(ياشهيدنا نام وارتاح)
كلمات : الشاعر
السيد سرحان