"خيوط متلخبطة".. قصيدة جديدة للشاعر محمد جابر المتولى

1-2-2013 | 21:15

الشاعر محمد جابر المتولى

القاهرة - احمد زكى

فى خضم الأحداث الجارية، يصب الشاعر محمد جابر المتولى - من خلال قصيدته خيوط متلخبطة - فيوضات الأسى على وطن استباحه فصيل واحد وانطلق يقلب الموائد فوق رؤوس الجميع محاولًا بث إحساس بالتخبط لدى القاعدة الشعبية، عملًا بمقولة "فرق تسد".
المتولى شاعر وكاتب مسرحي من مواليد مارس 1973، أختير أمينًا عامًا مساعدًا لمؤتمر ادباء مصر 2012 عن وجه قبلى، بالغضافة لكونه عضو الأمانة العامة لمؤتمر أدباء مصر، سكرتير وعضو مجلس إدارة نادى أدب قصر ثقافة أسيوط، مدير تحرير مجلة اللقاء التى يصدرها فرع ثقافة اسيوط.

كل الخيوط اتلخبطت
كل الكور جات فى الـout
كل القوى متفككه
ومفبركه
والمصلحة
كرسى الملك
المشكله
كرسى الملك
وآدى الملك هو الملك
ايزيس بتنده ع الولد
فين الولد ؟
لسه الولد
راح يتولد
ايزيس بتتقايا المحن
ايزيس بتتشكل شجن
كل الايادى تشدها
ممدودة ترسم فى الألم
ايزيس يا غنوة بتنطفى
يإدين عيال متجمعة
شلل الخراب متربعة
جوه الشوراع والقصور
بين الشقوق تعابين كتير
بره الحدود عقرب كبير
وديابة تتمناها بور
الليل بيتسحب قلق
يسكن قلوبنا للدوام
والصبح دمه بيتخلط
مع دم اغلى للشهيد
والعيد معاده بيتلغى
مع فوضى عامة للسنين
وغلابة مكتوفى الهمم
عايشين عدم جوه العدم
ظاهرين فقط بره الصور
العيش ده عايزنه لقم
واللقمة منداسة فى عراك
السادة اصحاب الشاشات
اللى ينادوا باسم شعب
رافض يكون عبد لرمم
ايزيس خلاصها بيتحرق
والليل ركز سكن اتفرد
والكل يتخبط يقع
تخابيط وخبط فى منتجع
للمهوسين المحتاسين جوه العبط
الثورة فرحة بتتسرق
بره الحدود واقفة الغيلان
تضحك تصقف ع الهبل.